Yanğından mühafizə üzrə aparıcı mütəxəssis

İşin təsviri

• Azərbaycan Respublikasının Konstitusiyasını, Əmək Məcəlləsini, yanğın təhlükəsizliyi və texniki təhlükəsizlik sahəsində qüvvədə olan qanunvericilik aktlarını, müvafiq qayda, norma və standartları rəhbər tutaraq vəzifə funksiyalarını icra etmək;
• Avadanlıqların, binaların, qurğuların və digər obyektlərin yanğına qarşı vəziyyətini qiymətləndirmək;
• Yanğın təhlükəsizliyi məsələləri üzrə struktur bölmələrdə planlı və plandankənar nəzarət tədbirlərini həyata keçirmək;
• Ərazilərdə, binalarda, qurğularda, otaqlarda, anbarlarda və nəqliyyat vasitələrində baş vermiş yanğın və yanma hallarının səbəblərini araşdırmaq, müvafiq hesabatlar hazırlamaq;
• İlk yanğınsöndürmə vasitələrinə olan tələbatı müəyyənləşdirmək, onların sayını planlaşdırmaq, mövcudluğuna və saz vəziyyətdə olmasına nəzarət etmək;
• Yanğınların qarşısının alınması və yanğından mühafizənin gücləndirilməsi məqsədilə zəruri tədbirləri hazırlamaq və həyata keçirmək;
• İşçilərlə yanğın-texniki minimum və yanğın təhlükəsizliyi qaydaları üzrə təlim və məşğələlər keçirmək;
• Mövcud qayda, norma və standartlarda nəzərdə tutulmuş yanğın təhlükəsizliyi tədbirləri üzrə təlimatların hazırlanmasında iştirak etmək və yanğına qarşı tədbirlərin həyata keçirilməsini təmin etmək;
• Yanğın profilaktikası üzrə işləri planlaşdırmaq və həyata keçirilməsinə nəzarət etmək;
• Əməyin təhlükəsizliyi, texniki təhlükəsizlik və ətraf mühitin mühafizəsi sahəsində qanunvericiliyin tələblərinə riayət olunmasına nəzarət etmək;
• Təhlükə potensiallı obyektlərdə texniki təhlükəsizlik tələblərinin yerinə yetirilməsinə nəzarət etmək;
• Təsdiq edilmiş prosedur, qayda və formaların icrasına nəzarət etmək, aşkar edilmiş uyğunsuzluqlar barədə rəhbərliyə məlumat vermək.

Tələblər

• Təhsil: Müvafiq sahə üzrə ali təhsil
• İş təcrübəsi: Müvafiq sahə üzrə ən az 2 il stajı
• Dil bilikləri: Yaxşı səviyyədə ingilis və ya rus dili arzuolunandır
• Rəqəmsal bacarıqlar: MS office (yaxşı səviyyədə)
• Azərbaycan Respublikasının Əmək Qanunvericiliyi
• Azərbaycan Respublikasında Yanğın Təhlükəsizliyi Qaydaları
• Yanğın təhlükəsizliyi haqqında Azərbaycan Respublikasının Qanunu
• Peşəkar ehtiyatlılıq
• Planlaşdırma və təşkilatçılıq
• Analitik düşünmə və problem həll etmə bacarığı
• Risklərin idarə edilməsi
• Diqqətlilik.