Content Strategist & Creative Producer

İşin təsviri

Honours Academy, Honours Language Institute və Honours Coffee brendlərinin kontent strategiyasını hazırlayacaq və yaradıcı istehsal prosesini yönləndirəcək Content Strategist & Creative Producer axtarırıq. Bu rolda əsas məsuliyyətiniz brendlərin məqsədlərini auditoriyaya uyğun kontent ideyalarına çevirmək, kontentin keyfiyyət və üslub bütövlüyünü qorumaq, çəkilişlərin hazırlığını və yaradıcı icrasını idarə etmək olacaq.

Əsas vəzifələr:

• Marketinq prioritetləri əsasında hər üç brend üçün kontent strategiyası, əsas mövzu istiqamətləri və rubrikalar hazırlamaq;
• SMM mütəxəssisləri ilə birlikdə aylıq kontent planını formalaşdırmaq;
• Ekspert və təhsil məzmunundan gündəlik həyat və əyləncəli formatlara qədər müxtəlif kontent yanaşmaları hazırlamaq;
• Komandanın təklif etdiyi ideyaları auditoriya, brend üslubu və kommunikasiya məqsədi baxımından qiymətləndirmək və inkişaf etdirmək;
• Copywriter ilə birlikdə video konseptlərini, ssenariləri və əsas mesajları işləmək;
• Çəkiliş məkanını, səhnə quruluşunu, rekvizitləri, iştirakçıların görünüşünü və kadr planını müəyyənləşdirmək;
• Çəkilişi həyata keçirən SMM mütəxəssislərini və kamera qarşısındakı iştirakçıları yönləndirmək;
• Motion və qrafik dizaynerlərə aydın yaradıcı briflər təqdim etmək, hazırlanmış materialların konseptə uyğunluğunu yoxlamaq;
• Təkrarlanan kontent formatları üçün çəkiliş və vizual təqdimat standartları yaratmaq;
• SMM və Marketing Lead ilə kontentin nəticələrini təhlil etmək, nəticələrə əsasən mövzu və formatları təkmilləşdirmək.

Namizədə tələblər:

• Kontent strategiyası, kreativ prodüserlik və ya oxşar istiqamətdə praktik təcrübə;
• İdeyadan yayıma qədər kontent hazırlanması prosesini idarə etmək bacarığı;
• TikTok, Instagram, YouTube və LinkedIn platformalarının kontent xüsusiyyətlərini anlamaq;
• Fərqli auditoriya və brendlər üçün uyğun üslub və təqdimat yanaşması seçmək bacarığı;
• Mürəkkəb mövzuları sadə, maraqlı və etibarlı formada təqdim etmək bacarığı;
• Kadr kompozisiyası, işıq, səs, səhnə və vizual hekayəçilik prinsipləri üzrə praktik bilik;
• Azərbaycan dilində güclü yazılı və şifahi ünsiyyət bacarığı;
• Komandaya aydın brif vermək, əsaslandırılmış geribildirim təqdim etmək və işləri vaxtında tamamlamaq bacarığı;
• Görülmüş işləri və həmin işlərdə şəxsi rolunu göstərən portfolio.

Üstünlük veriləcək:

• Təhsil və xidmət sektorunda kontent təcrübəsinə;
• Eyni zamanda bir neçə brend üzrə işləmək təcrübəsinə;
• İngilis dilində araşdırma aparmaq bacarığına;

Komandada iş bölgüsü:

• Bu vəzifənin əsas məsuliyyəti strategiya və yaradıcı istehsalın yönləndirilməsidir. Çəkilişləri
• SMM mütəxəssisləri, dizayn və mürəkkəb montaj işlərini isə müvafiq dizaynerlər həyata keçirir.
• Kamera qarşısında ayrıca iştirakçılar yer alır.
• Vəzifə birbaşa Marketing Lead-ə tabedir.

İş qrafiki:

• Həftədə 5 gün: Bazar ertəsi – Cümə;
• İş saatları: 10:00 – 19:00;
• Kampaniya, tədbir və xüsusi layihə dövrlərində iş qrafikində ehtiyaca uyğun dəyişiklik edilə bilər.

Əməkhaqqı:

• Əməkhaqqı namizədin bilik, bacarıq və təcrübəsinə əsasən qarşılıqlı razılaşma əsasında müəyyən ediləcəkdir.

CV, qısa motivasiya məktubu və portfolio linkinizi mövzu hissəsində “Content Strategist & Creative Producer” qeyd edərək jobs@honours.academy elektron poçt ünvanına göndərməyiniz xahiş olunur.

Portfolioda təqdim etdiyiniz layihələrdə şəxsi rolunuzu qısa şəkildə qeyd edin.