Qlobal media və ictimaiyyətlə əlaqələr üzrə ekspert

İşin təsviri

• Beynəlxalq İKT ixrac potensialını və ölkənin qlobal texnoloji mövqeyini gücləndirməyə yönəlmiş beynəlxalq media ilə əməkdaşlıq strategiyasının hazırlanması və həyata keçirilməsi;
• Agentliyin beynəlxalq PR siyasətinin innovasiya ekosisteminin təşviqi və rəqəmsal ixrac hədəflərinə uyğunlaşdırılması;
• Beynəlxalq texnologiya, B2B biznes və investisiya yönümlü media nümayəndələri , jurnalistlər və aparıcı media qurumları ilə əlaqələrin qurulması və inkişaf etdirilməsi;
• Beynəlxalq jurnalistlərin qurum, Azərbaycanın rəqəmsal tranzit potensialı, yerli startap ekosistemi və qlobal səviyyəli İKT layihələri barədə məlumatlandırılması və onlarla daimi ünsiyyətin saxlanılması;
• İngilis və digər xarici dillərdə xarici auditoriya (investorlar, texnoloji tərəfdaşlar, qlobal istehlakçılar) üçün press-relizlərin, məqalələrin, “case study”-lərin və çıxış nitqlərinin hazırlanması;
• Agentliyin beynəlxalq media üçün nəzərdə tutulan mesajlarının, xüsusilə İKT ixracı və rəqəmsal transformasiya ilə bağlı məlumatların dəqiq və strateji şəkildə çatdırılmasına nəzarət edilməsi;
• Beynəlxalq səviyyədə böhran vəziyyətlərində kommunikasiya planlarının hazırlanması və həyata keçirilməsi;
• Xarici media ilə böhran dövründə düzgün və effektiv ünsiyyətin qurulmasının təmin edilməsi;
• Beynəlxalq media nəşrlərinin və onlayn platformalarda ölkənin İKT sektoru və qurum haqqında yayımlanan məlumatların monitorinqi;
• Xarici PR agentlikləri və ixtisaslaşmış texnoloji media qurumları ilə əməkdaşlıq strategiyalarının hazırlanması və idarə edilməsi;
• Beynəlxalq media agentlikləri ilə müqavilələrin bağlanması və tərəfdaşlıq əlaqələrinin idarə olunması.

Tələblər

• Jurnalistika, ictimaiyyətlə əlaqələr, media, beynəlxalq əlaqələr və ya əlaqəli sahə üzrə minimum 5 il iş stajı;
• Texnologiya, İKT, rəqəmsal inkişaf və ya startap ekosistemi sahələrində beynəlxalq PR təcrübəsinin olması ciddi üstünlükdür;
• Qlobal media mühiti, beynəlxalq KİV strukturları və texnoloji/biznes kommunikasiya metodları haqqında geniş biliklərə sahib olması;
• Beynəlxalq təşkilatlar, qlobal texnologiya korporasiyaları və ya İKT yönümlü dövlət/özəl qurumlarda PR sahəsində təcrübə üstünlükdür;
• Mürəkkəb texnoloji və innovativ həlləri xarici hədəf auditoriya və investorlar üçün anlaşıqlı və cəlbedici məzmunlara çevirmək bacarığı;
• Azərbaycan dili – sərbəst yazı və ünsiyyət bacarığı üstünlükdür, İngilis dili biliyi – mükəmməl yazılı və şifahi səviyyədə, Rus dili – yaxşı yazılı və şifahi səviyyədə biliyə sahib olması;
• Qlobal media qurumları (xüsusilə biznes və texnologiya mediası) və beynəlxalq jurnalistlər ilə iş təcrübəsi;
• Effektiv ünsiyyət bacarıqları, Kreativ və analitik düşüncə;
• Yüksək təşkilatçılıq və planlaşdırma bacarığı;
• Konfliktlərin idarəolunması və böhran idarəetmə bacarığı;
• Komandayönümlülük və tərəfdaşlıq;
• Dəqiqlik, məsuliyyətlilik və detallara diqqət.