Əməyin Mühafizəsi və HACCP üzrə İnzibati Köməkçi

Vəzifə öhdəlikləri

Əməyin mühafizəsi və təhlükəsizlik departamentinin gündəlik fəaliyyətinin təşkilinə və həyata keçirilməsinə dəstək göstərmək;

Yeni işə qəbul edilmiş əməkdaşlar üçün ilkin giriş təlimatlarının təşkilində, əməyin mühafizəsi və texniki təhlükəsizlik üzrə təlimlərin keçirilməsində iştirak etmək;

Əməkdaşların qanunvericiliklə nəzərdə tutulmuş tibbi müayinələrinin vaxtında təşkilinə dəstək göstərmək;

İş yerlərində təhlükəli vəziyyətlərin və təhlükəsizlik tələblərinə uyğunsuzluqların müəyyən edilməsi, aidiyyəti şəxslərə bildirilməsi və aradan qaldırılması prosesində iştirak etmək;

İstehsalatda baş vermiş bədbəxt hadisələrlə bağlı sənədlərin toplanması, qeydiyyatı və araşdırılması prosesinə inzibati dəstək göstərmək;

Fərdi mühafizə vasitələrinin, xüsusi geyim və ayaqqabıların uçotunun aparılmasına və düzgün istifadəsinə nəzarət prosesinə dəstək göstərmək;

Əməyin mühafizəsi üzrə qeydiyyat jurnallarının, hesabatların, aktların və digər sənədlərin hazırlanmasını, yenilənməsini və sistemləşdirilməsini həyata keçirmək;

Əməyin mühafizəsi, texniki təhlükəsizlik və fövqəladə hallara hazırlıq üzrə maarifləndirmə və profilaktik tədbirlərin təşkilində iştirak etmək;

Otelin ərazisində ekoloji təhlükəsizlik, tullantıların idarə olunması və ətraf mühitin qorunması üzrə tədbirlərə dəstək göstərmək;

HACCP sistemi çərçivəsində qida təhlükəsizliyi prosedurlarının tətbiqinə, monitorinq formalarının, yoxlama vərəqlərinin və qeydiyyat jurnallarının aparılmasına dəstək göstərmək;

Qida təhlükəsizliyi üzrə əməkdaşların məlumatlandırılması və təlimatlandırılması prosesində iştirak etmək;

1C proqramı vasitəsilə müvafiq məlumatların sistemə daxil edilməsini və işlənməsini həyata keçirmək;

Davamiyyət cədvəllərinin, iş qrafiklərinin və məzuniyyət planlarının hazırlanmasına, eləcə də departamentin işə qəbul və digər inzibati proseslərinə dəstək göstərmək;

Departamentin sənədlərinin məxfiliyinin qorunmasını, düzgün arxivləşdirilməsini və saxlanılmasını təmin etmək.